Poésie

Se savoient mon tourment – Chanson de Blondel de Nesle




Se savoient mon tourment - Chanson de Blondel de Nesle 1

 Se savoient mon tourment – Chanson de Blondel de Nesle

Se savoient mon tourment

Et auques de mon afaire
Cil qui demandent conment
Je puis tant de chançons faire,
Il diroient vraiement
Que nus a chanter n’entent
Qui mieuz s’en deüst retraire;
Maiz pour ce chant seulement
Que je muir pluz doucement.
Trop par me grieze forment
Que cele est si debonaire
Qui tant de dolour me rent
Ce qu’a tout le mont doit plaire;
Maiz ne me grevast nïent,
Se la tres bele au cors gent
Me feïst touz ces maus traire.
Maiz ce m’ocit vraiement
Qu’el ne set que pour li sent.
Se seüst certeinnement
Mon martire et mon contraire
Cele por qui je consent
Que l’amour me tient et maire,
Je croi bien qu’alegement
M’envoiast procheinnement;
Quar par droit le deüst faire,
Se reguars a escïent
De ses biaux ieus ne me ment.
Chançons, va isnelement
A la bel au cler viaire,
Si li di tant seulement:
Qui de bons est, souëf flaire.
Ne l’os prier autrement,
Quar trop pensai hautement,
Si n’en puis mon cuer retraire.
Et se pitiez ne l’en prent,
Blondiaus muert, que pluz n’atent.


Note: Ce document numérique vous est offert par FrenchPDF. Il est destiné à une utilisation strictement personnelle et ne peut en aucun cas être vendu.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Bouton retour en haut de la page

Adblock détecté

S'il vous plaît envisager de nous soutenir en désactivant votre bloqueur de publicité