Ma joi me semont – Chanson de Blondel de Nesle
Ma joi me semont
De chanter au douz tens;
Et mes cuers li respont
Que droiz est que j’y pens;
Car nule riens el mont
Ne fas seur son deffens;
Dex, quel siecle cil ont
Qui i metent leur sens!
A la joie apartient
D’amer mout finement
Et quant li leus en vient
Li doners largement;
Encor plus i convient:
Parler cortoisement.
Qui ces trois voies tient
Ja n’ira malement.